schrieb am 13. Mai 2015
um
12:06
Hallo Sani
Wott mich numal ganz härzlich für die tolli Unterstützig bedanke. Dank dier hans au ich gschafft, d’Autoprüfig bim erste Mal z’bestah. (Au wenni lang nümme dra glaubt han. ;))
Du hesch mich immer super motiviert und mier zeigt, was ich nu wie chan/muess verbesserä. Die Tipps und „Ufträg“ hend mier sehr ghulfe mich uf de Strass sicher z’fühle.
Au dini offeni und ufgstellti Art hed mich motiviert und ich han chönne lehre Auto fahre, ohni mich under Druck gsetzt z’fühle, und das obwohls vo de Ziit här langsam knapp worde isch.
De Wäg uf Oerlike hed sich uf jede Fall glohnt und ich wür sofort wieder zu dier id Fahrstunde cho.
Du bisch en super Fahrlehrerin und au ganz en tolle Mensch. Und soo viel hesch gar ned gredt während de Fahrstunde 😉
Chan dich nur wiiter empfähle.
Numal danke viel viel mal und vilicht gseht mer sich ja mal wieder
liebi Grüess Lorena